
محسن وثريا سلمو علي عم احمد.
عم أحمد: خالو بالكم من سدره.
محسن: في عنينا يا عم احمد.
ونزلو، ومحسن ركب هو وثريا، وهشام ركب العربية ودورها من غير ما يقول لسدره تركب.
هشام بيبص لقها وقفه لسه مركبتش، كان عايز يسبها ويمشى، بس خاف من ثريا.
بص وقالها: ايه، هتجى البيت ماشيه.
سدره كانت زعلانه أوى، بس مش عارفه تقول ايه، هي عارفه ان ماعدش لها حد في الدنيا ولازم تستحمل.
جت تركب جمبه، هشام قالها تركب ورا، ماخالهاش تركب جمبه.
سدره ركبت، وهشام طلع باعربيته، طول الطريق وهشام يهبد في العربية ولا كأن في حد معاه.
وصلو البيت، هشام نزل من العربيه وساب سدره ودخل.
سدره صعبت عليه نفسها ومش عارفه تروح فين.
محسن: فين عروستك.
هشام: ماتقولش عروستك، وبعدين ايه اللي انتو عاملينه ده، انتو عاملين فرح.
ثريا: كافية بقا يا هشام، انا اعصابى تعبت.
محسن: فين البنت يا هشام.
هشام: هي كانت عايزنى اعمل ايه أكتر من كده، انا وصلتها، هى ما نزلتش من العربية.
ثريا: اطلع يا محسن، هات البنت.
محسن: منك لله يا هشام.
محسن طلع لقه سدره واقفه جمب العربيه ومش عارفه تروح فين.
محسن: ايه يا سدره، ما دخلتيش مع هشام ليه.
سدره أول مره صوتها يطلع: اسفه يا عمى.
محسن خد سدره ودخل، كانو عاملين فرح بسيط كده علشان يفرحو سدره، بس طبعا هشام ماحضرش.
سدره بقت عايزه تسأل علي هشام، بس فضلت السكوت.
ثريا: يالا يا حبيبتي، اطلعي عند جوزك.
محسن: ايه الكلام اللى انتى بتقوله دا يا ثريا، انتى عارفه هشام قال ايه.
ثريا: يعني ايه، هنسمع كلامه، يالا يا محسن خود سدره علي اوضه هشام.
محسن: طيب مش ممكن تكشف وشها نشوفه الاول.
ثريا: بصراحه انا خائفة تطلع بسيطة الشكل أوى، اقفل منها خالص يا محسن.
محسن: يعني ايه، هتعيش معنا واحنا مش عارفين شكلها.
ثريا: هي لبسه النقاب، هنتعود عليها كده.
محسن: خلاص ماشي.
ثريا: يالا بقا روح، هتتاخر عليها.
محسن خد سدره وطلع بيها عند هشام.
أول ما سدره خبطت، هشام قال: ادخل.
هشام أول ما شاف سدره سابها ونزل جرى علي تحت.
هشام: يا ماما يا بابا.
ثريا: في ايه هشام.
هشام: هو ده الي انا اتفقت معكم عليه.
محسن: عايز ايه يا هشام.
هشام: انا هطلع اعيش فى الشقه اللي فوق، وخلها هي هنا.
محسن: برحتك، انا اعصابى تعبت.
هشام طلع الشقه وكان مخنوق جدا.
هشام اتصل على عمر صحبه.
عمر: الو، ايوه يا هشام، انت فينك، باقلك كام يوم مختفى.
هشام: انا وقع في مشكلة يا عمر.
عمر: اعوذ بالله، مشكلة اية لا قدر الله.
هشام: اتجوزت.
عمر: واية المشكلة في كده.
هشام: اتجوزت بنت الخدامه اللي كانت عندنا.
عمر: بنت خدامه يعني ايه، مش فاهم.
هشام: انت فكر زينب الشغاله اللى كانت عندنا وتوفيت منك فترة.
عمر: ايوه فكرها.
هشام: هي دي بنتها.
عمر: طيب ايه اللي خلاك تجوزها.
هشام: ثريا هانم.
عمر: واية مصلحة طنط ثريا في كده.
هشام: علشان كانت بتحب زينب جدا وكمان بنتها مالهاش حد بعد وفاة امها.
عمر: وايه المشكله اذا كان اهلك موافقين.
هشام: انا اللي مش موافق.
عمر: ليه يابنى.
هشام: أنت عارف إن زينب ماكنتش حلوة خالص، وبنتها نفس الشكل.
عمر: أنت شوفتها.
هشام: لا.
عمر: طيب اخلاقها.
هشام: يابنى قولتلك انا ماعرفتهاش خالص.
عمر: حرام عليك ياعم هشام، انت بتحكم عليه قبل ماتتكلم معها، وبعدين ازاي اتجوزتها من غير ماهي تشوفها.
هشام: دي منقبه.
عمر: كمان، والله دي خساره فيك، دي المنقبه بتبقا ملكه، بحسها اميرة.
هشام: وهو انا اتصلت بيكي علشان تمدح فيها.
عمر: انا بقول رايى وانت حر، بس أوى تعملها وحش، علشان هتندم حتى لو كانت بسيطة الشكل، عامل ربنا يا هشام.
هشام: طيب سلام يا عمر.
هشام فضل يفكر في كلام عمي، بس ما اقتنعشى بيه، وفي نام.
عند سدره دخلت اوضة هشام وفضلت تبص على كل حاجه، بس كانت زعلانه جدا إن مافيش حد بيحبها فى البيت، بس جوزها لابنهم علشان خاطر مامتها الله يرحمها، بس استسلمت لقدرها.
ودخلت الحمام اتوضت علشان تصلى، وبعد ما خلصت صلاة وتدور علي الشنطه علي علشان تغير وتلبس حاجه موريحه، بس افتكرت إن الشطنه تحت لسه، وان مافيش حد طلعها.
بقت مش عارفه تنزل تجبها ولا ايه، في الاخر من كتر التعب نامت علي الكرسي.
ثريا: مش جيلها نوم.
محسن: فى ايه يا ثريا، ما نمتش ليه.
ثريا: خائفة اكون ظلمت البنت، هشام باين عليه مش هيقبل البنت خالص يا محسن.
محسن: فعلا مشكله يا ثريا، بس ما تفكرش، سبها على الله.
ثريا: ونعمه بالله.
وفي الاخر الكل استسلم لنوم.
وعدى اليوم.
في صباح اليوم جديد.
ثريا: صباح الخير يامحسن.
محسن: صباح الورد، صحصحى يالا، انتي نسيتي ان فى عروسه في البيت ولا ايه.
ثريا: وهي دي حاجه تتنسى.
محسن: طيب يالا، علشان متحسش بحاجه، كافية عليها إن ابنك نام فى الشقة اللى فوق وساب عروسة يوم دخلتها.
ثريا: عندك حق يا محسن، احنا لازم نبقو ليها اب وام، وانسى هشام خالص.
محسن وثريا وطلبو من الشغاله تجهز الفطار.
ثريا: انا اطلع اصحى سدره.
محسن: ماشي، بس عملها كويس، مش علشان هي بسيطة الشكل، هي مالهاش ذنب، دي خلقت ربنا.
ثريا: ماشي.
ثريا طلعت وخبطت علي الباب، سدره كانت نايمه علي الكرسي من امبارح.
سدره سمعت صوت الباب قامت مفزوعه: مين.
ثريا: انا يا حببتي، ماما ثريا، افتحي.
سدره فرحت إن ثريا بتقول ماما.
سدره راحت تفتح الباب، بس افتكرت انا مش لبسها النقاب، رجعت لبست النقاب بسرعه وفتحت الباب لثريا.
ثريا: صباح الخير علي القمر بتعنا، ايه انتي لسه بهدومك.
سدره: أصل ماحدش جاب شنطة الهدوم امبارح.
ثريا: انا اسفه جدا، دقيقه واحده وتبقا عندك.
ثريا نزلت: يا محسن، مافيش حد طلع شنطة الهدوم بتاعت سدره امبارح، وهي لحد دلوقتي بهدوم امبارح.
محسن: معقول، احنا كلنا نسينا، حالا هخلى عم صالح يطلع الشنطة.
عم صالح طلع الشنطة لسدره.
سدره اخدت الشنطة من عم صالح وشكرته، ودخلت فتحت الشنطه وطلعت منها نقاب لونه جميل جدا، ودخلت اخدت دوش ولبست النقاب علي عبايه نفس لون النقاب ونزلت.




